日前《壹週刊》官方 Youtube Channel 放咗一條上年嘅娛樂新聞上網,引致今日(7/12)喺香港各大討論區「江嘉敏」又再一次成為網上熱話。

唔知咩事嘅朋友就嚟重溫下 !!!

【我cap圖你去買】貪婪江嘉敏要X先生的送禮清單:Hermes手鈪、拖鞋、粉底、100份日本手信

2020年26歲的江嘉敏,雖然公開有位電競高層男友Anthony,更傳出兩人於西貢同居,不過無阻新一代女神繼續收兵。收新兵,江嘉敏亦找緊每個機會收禮,事關X先生出外公幹,近如日本,遠至意大利,她都會有方法撒嬌要禮物手信。由三月初開始相識,當時正趕拍電視劇《大醬園》的江嘉敏,一直跟x 先生保持聯絡。每次不是要求不同地方的手信,就是代入貨,有次X先生忍唔住踢爆,江嘉敏慫恿他買車,目的都是有意「借」來自己用。

而每次提出「要求」,江嘉敏都有不同借口。

港女難以抗拒殿堂名牌Hermes,17歲開始做model的江嘉敏,當然都好想擁有。

當她知道X先生要去意大利公幹,以朋友答應幫她買手鈪,但顧住溝仔而忘記為由,send了link給X先生,叫他依圖代買。不過X先生看過後,認為款式有點老土,不配她的外型,要重新幫她揀一個cute款時,江嘉敏隨即表示:「Hermes又好難有cute款。」雖然最後買唔成,又被江嘉敏指「冇心肝」,不過X先生就提醒江嘉敏,她要求「代買」的手鈪並非萬三港幣,而是萬三美金,即10萬港幣,所以要細心選購。

cap圖叫X先生買的,又豈止Hermes。當中更包括日本手信:snoopy產品、限量版潮TEE,波鞋、口罩、洗眼水、東京香蕉蛋糕、綠茶朱古力、三兄弟薯條。十分喜歡朱古力的江嘉敏,更order同款要夠四盒。

完成日本手信「工作」後,X先生忍唔住留言:「江嘉敏,你都幾犀利。手信應該得一份,你依家有一百份,黐線。你要揸車嚟攞,如果唔係冇可能攞得晒。」買咁多手信,X先生都忍不住自嘲:「攞住幾十袋嘢,好似奴隸。」雖然辛苦,X先生又會sweet溫提:「你有千幾蚊零食,江嘉敏,你真係要做吓gym,你知你啦。」收到一百份手信,急不及待的江嘉敏又會滙報食得好快:「我已經食咗三分一朱古力薯片,因為我真係好鍾意食朱古力。」

X先生人在香港,江嘉敏依然會叫他做代購。

江嘉敏先是留言叫X先生推薦靚拖鞋,還附有一張舊拖鞋相:「有咩牌子靚拖鞋介紹畀我,要着得返工,而家對Nike拖鞋畀我着到變咗型。」她又解釋點解要着拖鞋返工:「對腳畀啲紅火蟻咬完,唔可以著波鞋焗住。」最後X先生買了一對自己也有的Gucci拖鞋給江嘉敏。

被X先生形容為公主的江嘉敏,知道X先生少有SAY NO,甚至要求對方買粉底,當連X先生都「搲頭」,為何要問他這方面意見時,江嘉敏又講得出原因:「因為你識得多靚女,好大機會知道係咪好嘢。」

而X先生更試過給江嘉敏驚喜,有次他表示買了一部相機,不過未配鏡頭,江嘉敏建議他買兩支價值共35000蚊鏡頭,更借當日是中國兒童節,她年紀比X先生小,暗示X先生送禮物,這樣X先生才透露相機是買來送給她。不過江嘉敏當時唔多相信,要X先生馬上返公司取貨,隨即送去電視城給她。

要求愈來愈多,江嘉敏也非次次得逞,有次她試探叫X先生買一部價值80萬的七人車,被X先生即時踢爆:「睇你個款都係想我買架七人車畀你攞嚟用。」雖然江嘉敏未有正面回答,但原來她問X先生借車返工,但因X先生要用車,夾唔到時間。不過江嘉敏就好坦誠:「自己揸細車就開心啲,坐七人車就舒服啲。」

此外,江嘉敏未能到手的另一份禮物,是香港缺貨的潮牌Rimowa UNICON行李喼。原來X先生在日本見到這個限量喼時,曾經影相給江嘉敏,她雖然表示好想擁有,不過最後X先生未有送給她。

在兩人對話短訊中,不難發現X先生邀約江嘉敏見面食飯,女方都提醒他攞手信,每次都要連人帶禮出現,名副其實禮物先生。

【呃男人錢層出不窮】玩飲酒罰款遊戲壓榨$7000  江嘉敏約會要收錢:勸你㩒定錢先好過嚟

江嘉敏背住男友Anthony,姣黐佢老友X先生,企圖氹新仔畀50萬開琴行,又同X先生夾計瞞住男友Anthony去日本偷食,女主角江嘉敏得悉偷食穿煲,貪相曝露後,即在ig出 post還擊X先生,既然江小姐咁大口氣,今日,我哋就一齊睇吓佢幾貪錢!

每杯罰款$500

話說江小姐同X先生識咗唔夠兩個月,女方表面好似好關心男方,知X先生成日去飲酒,就諗咗個絕世方案畀佢,希望對方可以健康啲咁話喎﹗呢個方法就係,若X先生每晚12點過後飲酒,就要每杯罰500蚊俾佢袋!OMG… 呢條呃錢橋係就係老土咗啲,不過,純純兔X先生又真係受喎!X先生以為江嘉敏口中講嘅飲酒罰款遊戲只係講吓笑,一直都冇認真計算,直到有一日,江嘉敏忽然同佢計數,X先生講笑話罰100蚊,佢竟然發老脾!江嘉敏先問X先生:「100蚊公平咩?」,仲話要獎罰分明,叫對方諗清楚罰幾多。為咗得手,貪婪嘅江嘉敏真係幾厚皮都做得出。

之後江嘉敏Keep住叫X先生自己報數,見對方冇反應,硬功未得逞,出軟功,撒晒嬌咁話:「而家落雨,今晚外景可能會取消,唉,仲諗住食個飯都得,不過有人就好曳,唔肯報數,咁就由佢!」江嘉敏突然話可以食餐飯,X先生梗係開心啦,即刻話食飯兼報數,而佢當刻冇諗過食飯背後嘅用意,其實係要佢交罰款,準備有錢落袋。

不斷提X先生㩒現金交罰款

唔使十分鐘,江嘉敏就list咗X先生喺6月9、14同16日裡面,過咗12點飲咗15.5杯,每杯500蚊咁計,總共要畀7750蚊罰款。江嘉敏仲溫馨提示X先生,提佢要帶cash交罰款,仲話不設找續添!見到個溫馨提示,X先生先回佢食完飯後㩒畀佢,之後俾佢催命符搞到好煩,貪錢本色逐現形,所以再回多個「Fuxk」畀佢。食飯見面前,江嘉敏又再提X先生,叫佢唔好借啲意唔㩒錢,如果唔係下次就會double up個罰款。嘩,唔好去搶﹗仲勸佢㩒定錢先好過去。

你精X先生都唔笨,keep住提佢要㩒錢,就係提得太多次,搞到X先生都有啲反感,最後索性唔畀江嘉敏口中所謂嘅罰款。

江嘉敏見事敗,一日未收到錢,又點會同X先生斬纜,佢軟硬兼施,硬追罰款失效,就借啲意用溫柔嘅聲線同X先生講國語,聽到江嘉敏句句嗲聲嗲氣,即時KO咗X先生,繼續做佢隻兵。

江嘉敏回應:


熱門新聞: