第一套要推介嘅神劇係Netflix日劇《今際之國的有栖 Alice in Borderland》,台灣叫《今際之國的闖關者》,而大陸叫《彌留之國的愛麗絲》,故事喺日本漫畫家麻生羽呂出嘅同名漫畫所改編,帶有《愛麗絲夢遊仙境》嘅元素。

《今際之國的有栖》上架一周就榮登香港、台灣、日本排行榜第一位,戲情緊張刺激,血腥暴力場面精彩,揭露人性醜惡、解謎情節更獲得極高評價… 再加上劇中6大索爆女演員,大半劇情都係 Bikini 泳裝上陣就更有睇頭。

女主角係擁有 E Cup 美乳嘅土屋太鳳… 可惜佢飾演一個運動型嘅純情少女,戲中連 Bikini 都唔敢著 (樂園規定平時一定要著泳裝),頂多得 Sport Bra 睇:

第二女主角係有「九頭身」長腿女神之稱嘅朝比奈彩,佢全劇都係著 Bikini,不過中段先出場 …

而喜歡較成熟有 OL feel 嘅就有三吉彩花及水崎綾女…

仲有 Biden 至愛嘅17歲少女吉田美月喜及19歲水著女星矢崎希菜,齋睇女已經夠晒睇頭。

《今際之國的有栖》故事講述男主角有栖良平係個沉迷電玩嘅宅男,某日同咗兩個死黨去澀谷,但唔知點解誤闖「今際之國」嘅神秘世界,整個東京23區瞬間變成無人死城,誤闖「今際之國」嘅人被迫參加生死遊戲,嬴咗生死遊戲先會獲得「延長簽證」,「簽證」一到期就被從天而降嘅激光射殺。第一季故事完咗都未知發生咩事… 喺人類實驗場 ? 外星人 ? 其實日文名早已經解釋咗,香港同台灣直釋日文《今際之國》反而無咗原本個含意,大陸翻釋清晰好多。

「今際」在日文中有解作「彌留」,即係瀕死狀態。「有栖」嘅日語發音係「Arisu」,與「Alice」同音,所以大陸翻釋成《彌留之國的愛麗絲》同英文名《Alice in Borderland》相似。憑劇名可以顧名思義,所謂《今際之國》即係「三途川」- 陰間與陽世嘅分隔地,所有誤闖者其實係處於彌留嘅瀕死狀態,大解可以理解為死神同凡人玩遊戲,成功過關可以唔駛死住,輸咗就俾佢帶走… 點解要咁做 ? 又有咩特別目的,詳情應該會喺第二季交代。

在線看: https://dramasq.cc/jp201210/


而另一套要介紹嘅就係Netflix韓劇《甜蜜家園 Sweet Home》,同樣係由同名韓國漫畫改篇。有別於一般韓劇,唔再係有錢、靚仔、細心嘅富二代/皇帝/神/妖怪/外星人/超能力者嘅溝女故事… 呢套劇係走恐怖、怪物路線,男主角係一個想自殺嘅毒撚 (有啲似今際之國嘅男主角),慢慢找到生存意義而變成一個英雄角色。

故事講述宋江飾演嘅18歲高中生車賢秀,在學校經常遭受欺凌所以退學匿埋喺屋企打機,後來父母同妹妹因車禍離世,無咗依靠,生無可戀嘅車賢秀計劃參加完一個打機活動就自殺。喺佢要自殺嗰一日,大廈竟然出現咗怪物,不斷攻擊人,後來發現人感染咗病毒就會變成怪物,所以唔止大廈入面有,成個韓國都俾怪物佔領咗… 車賢秀為咗保護兩個小朋友,激發咗佢嘅求生意志,喺呢個時候佢發現咗自己感染咗病毒,但佢就係憑住半人半怪嘅力量,聯同其他大廈住客一齊對付怪物。

《甜蜜家園》賣點都係血腥暴力場面,揭露人性嘅醜惡、加上CG效果,包保睇到緊張刺激。第一季劇情仲未解釋病毒源頭,不過依家已知病毒會令人被自己「欲望」吞食,強化身體成為一個失去自我意識嘅怪物;例如有人愛去健身渴望變成大隻仔,中病毒後就會變成Hulk咁嘅肌肉型大怪物、喜歡偷窺嘅人就會變成眼睛怪物,禿頭佬就會變成長髮怪物… 而主角中病毒嗰一刻並沒有「欲望」,生無可戀嘅佢本身係想自殺,反而保護兩個小朋友成為佢生存落去嘅理由,可能就係因為咁,令佢變成咗一個異變體,半人半怪物,有自我意識又得到怪物嘅力量。

另一個原因係當人被自己「欲望」吞食時,意識會被困在一個「美好」嘅夢境中,但主角並沒有一個「美好」夢境,所以佢可以從夢境中醒返,無被自己「欲望」所吞食,有自我意識。

女主角方面,同《今際之國的有栖》比較,《甜蜜家園》就差啲啲 …

高敏詩第一集跳芭蕾舞嘅一幕迷倒男主角車賢秀,阻止咗主角意圖接跳樓自殺:

朴珪瑛亦唔差:

高允貞其實只有24歲,但無乜睇頭… 始終套劇賣點唔係靚女:

全劇最性感嘅就係李施昤… 可惜老咗啲:

在線看: https://bugulin.net/kr201218/