有網民「海味街週拍蠔」喺香討開po呻「禮金未傾掂,但家姐畀佢男友搞大咗」,佢重點係話覺得有連登仔為咗唔想畀15萬禮金,就故意搞大家姐個肚先結婚,依家不但嗎洗畀15萬,屋企仲大算貼埋間新樓畀佢哋三個人住… 樓主最嬲嘅係,原本層樓話咗留畀佢娶老婆用,依家變成乜嘢都係家姐個肚優先,自己就變成咩都無 …

樓主話依家勁憎家姐條仔: 「原來佢話等多幾個月就係為咗搞大我家姐個肚迫宮… 我同家姐個關係都ok既,但而家係影響到我將來,我可以做d咩 ?」

原文:

樓主之後再補充,層樓對我既將來黎講真係好重要,但而家仲未拍板應該仲有彎轉,我希望新樓係我既啦… 15萬入面我媽都會買返D金器嫁妝比我家姐,最後都係佢地既,反而咁樣屈左層新樓出黎我條氣唔順。

我媽就係太傳統唔想BB未世都未結婚搞到比人捉痛腳,話我妒忌都好啦,我自己都未住過跑馬地,送層新既比條友住我實唔順氣!

條友咁無賴有咩做唔出,到時話同個B一齊訓街,我媽咪又係仆去幫佢!

我家姐真係有d鈍,比佢條仔食住,唔要個肚,講出黎實比我媽斬死都似,好唔順氣

依家係男方唔肯傾結婚,我媽就急,想趁家姐未見肚就結咗先

網民回覆:

你未來姐夫夠絕,真係用呢一招。佢而家有bargaining power 過你哋好多啦


你是仔,你家姐是外嫁女,買樓是你姐夫責任,你應開家庭會議,拒絕出售放租單位,因將來你結婚要收返層樓自用。那個男人搞大你家姐個肚,焗女在家下把位,分分鐘禮金婚禮乜都無,如果真的話,你家姐明顯揀錯男人,應重新考慮那個男人是否適合付託終身。講開又講,15萬禮金真係有賣女之嫌,通常禮金是講意頭,唔通你家姐嫁左就唔理父母?唔俾家用?古代咩!


扮乜撚野關心家姐,你擔心自己無左層樓姐


而家為求要你家姐出嫁你老母實咩都出齊, 但又咁睇, 如果層樓係外母出錢買既, 咁女婿都唔會對你家姐太差啦, 仲要唔係大西北d樓喎, 係住跑馬地喎
況且而家又唔係要賣左你地住果到, 你地都仲有一層樓住怕咩, 當為下個家姐著想囉


好難評論,又唔知個男既咩收入家底,15萬禮金對一般人黎講算算地賣女,若有d錢人家15萬又唔算一回事。相反,女家真係唔應該貼樓嫁女,等你家姐同佢男友自己諗掂佢。


呢條渣男真是高招, 搞大條女個肚, 仲可以霸埋層樓, 財色兼收賺到突晒, 的確係賤精之中的賤精!


你咪又系謀住你阿媽份身家?


廢柴先等居企層樓 把炮既自己買樓


咪簡單d同呀媽講,家姐本來都打算結婚,現在有佐咪快d攪掂佢,至於禮金就大家求其一個好意頭便可,至於樓就完全不需要提,本來佢地結婚都是男家去諗,如果現在送層樓比嫁姐,應該一去冇回頭,同媽媽講千萬不要嫁女仲要貼埋層樓,媽媽應該即時明白。


樓主一定搵到老婆?

Source:
https://ladies.discuss.com.hk/viewthread.php?tid=29627243&extra=&page=1

熱門文章: