歧視?1樓住客搭𨋢被男童寸:住1樓都唔行落去 父親咁做再惹不滿

住1樓就不應該搭𨋢?有網民大呻上班乘升降機的經歷,住1樓的他入𨋢時遇到一對父子,惟該名幼稚園男童對爸爸說「住一樓都唔行落去」,父親沒有回話,只是摸了摸兒子的頭。樓主不忿男童很沒禮貌,「畀細路歧視」,但家長卻未有指正。帖文引來熱議,許多網民認為小孩直話直說,並非有歧視成分,家長可以有更好的處理手法,不過住低層應否搭𨋢就引來另一番激辯,部份人力撐小孩「講真實」,另一派就覺得住低層一樣有交管理費,絕對有權搭𨋢。

樓主日前乘升降機上班,遇到男童問爸爸「住一樓都唔行落去」,認為男童很無禮貌及歧視他。(示意圖/資料圖片)

樓主日前乘升降機上班,遇到男童問爸爸「住一樓都唔行落去」,認為男童很無禮貌及歧視他。(示意圖/資料圖片)

樓主投稿至facebook專頁「生仔要考牌系列」,大呻日前早上返工時間,住1樓的他坐升降機落樓出門,入𨋢之際見到有對父子,男童身穿幼稚園校服。他入內後聽到幼稚園男童和爸爸說:「住一樓都唔行落去。」男童爸爸聽完後沒有回應,「只係摸摸細路個頭」。

他無奈感嘆,住1樓搭𨋢「都會俾細路歧視」,不明白為何兩父子住十多樓就可以坐升降機,住1樓就不行,氣難下稱:「成棟樓成3X層有晒樓梯,你哋趕時間都可以行樓梯㗎,仲唔去行?」樓主又說,細路無禮貌,家長應該指正,但「個老豆都唔去話佢,仲要摸摸頭就算,真係覺得有點樣嘅老豆,就有點樣嘅仔」。

不少網民認為小孩子只是陳述直觀感受,「點解覺得小朋友口直心快係歧視」、「小朋友係直接啫,唔算無禮貌呀」。

網民指爸爸只是摸了摸男童的頭,未作回應,批評家長未即時指正兒子。(示意圖/Getty Images)

網民指爸爸只是摸了摸男童的頭,未作回應,批評家長未即時指正兒子。(示意圖/Getty Images)

部份網民力撐小孩看法,認為住1樓的人如非有身體問題,否則不必搭𨋢,等𨋢亦更加費時,「佢係真心㗎」、「個老豆有唔啱,不過細路個思維無錯」、「其實個小朋友講事實」、「爸爸算大體,無笑埋樓主一份」。亦有同樣住在1樓的網民笑稱,自己平日真的只會行樓梯。有住高層的網民認為,朝早要等𨋢已經心好累,「凳到去1樓都仲有人要入𨋢真係會好躁底」,而且住1樓撳𨋢後轉頭行樓梯的人更討厭。

也有人表示認同小朋友看法,但作為家長可以有更好處理方法,「我會殊咗佢先,出𨋢先討論」、「大人大姐就咪咁小氣」。

另一派網民就認為,同一屋苑大家都有交管理費,「錢就大家畀咁多,點解唔搭得」,又認為部份屋苑與商場連住,住低層有時要行落商場同停車場樓層才可以到地面,「而唔係好似搭𨋢咁平台出」,「1樓住客都同高層住客一樣,絕對有權選擇搭或者唔搭,呢個純粹個人意願」,而且住1樓的人可能有例如椎間盤突出壓住神經線、腳痛等問題,外表看上去可以正常,「咁又點話你知行唔到落樓梯,家長又唔教」,「拎醫生紙畀個細路批?」,應教小孩慎言。

Written by editor